الجزء الاول من قصتي قصة تحذير كاملة
تحذير
[ ] سمعت كلام كتير عن الجن العاشق والتلبس في الحمام
[ ] والمس والتلاعب في العقل والأشياء المرعبه كلها
[ ] انا نورا ودي قصتي مع الحمام والظواهر الغريبه
[ ] انا طالبه ومن الشخصيات سريعه الغضب والعياط
[ ] دايما مبعرفش اتخطي اي عقابات في حياتي غير بالمشاكل او العياط فقط
[ ] سمعت كتير عن الظواهر الغريبه الي بتكون موجوده للانسان الذي دايما حزين او بيبكي في الحمام كتير أو في الأماكن المغلقه
[ ] لحد ما حصلي الي عمري ما نسيته
[ ] في يوم حصلت معايا مشكله في الجامعه ووصلتني لخنقة كبيره جدا
[ ] روحت البيت وروحت علي الحمام وقفلت الباب ورايا وبدأت اصرخ بأعلى صوت ليا واعيط
[ ] سبب الي الي وصلني كدا
{ } في طالبه في الجامعه قالت بأني انسانه جبانه وخطفت حبيبها منها واني عاوزه اكون سيئه السمعه ودا محصلش وكان كله افتراء وكذب ووصلني اني عملت مشكله معاهم ومع عميد الجامعة ومشيت
[ ] وانا في الحمام وبعيط فجاه النور قطع
{ } حسيت بالرعب وبدأت اصرخ اكثر من الخوف الي انا فيه
{ } حسيت أن في حد بيحضني ويواسيني فاصرخت اكثر وفتحت باب الحمام وخرجت جري على اوضتي وانا مسيطر عليا الرعب والخوف
[ ] وقفت في نصف الاوضه ابص علي منطقه الحمام وانا في رعب كبير وخوف وفي عقلي آلاف التسائلات مين الي حضني هل هوا جن ولا ايه
[ ] وهل لبسني ولا تخيلات من عقلي عشان خايفة وبس
[ ] معرفتش انام اليوم دا وفتحت نت وفضلت ابحث عن الموضوع دا
[ ] ولقيت اجابه عن سؤالي الي رعبني حرفيا لما قرأته
{ } الي حصل معايا مكنش تخيلات دا كان جن عاشق وسيطر علي جسمي بسبب ضعفي
[ ] قفلت النت وانا مصدومة من الي عرفته وقولت انا لازم انام ولما اصحي اشوف الموضوع دا
[ ] ونمت وكأني منمتش لقيت نفسي قصاد الحمام وجميع اركانه كلها ولما قربت من الحمام لقيت ايد شخص بتسحبني لجوا الحمام
{. } حاولت اقاوم ولكن لقيت نفسي جوا الحمام والحمام مقفول عليا ومفيش اضاءة وحسيت بالخوف
{. } وفجاه سمعت خطاوي رجلين حواليا ومره واحده لقيت شخص قصاد عيني
[ ] فا اتفزعت وقومت من الكابوس الي كنت فيه
{. } ومعرفتش انام بعدها تاني من شدة الخوف
[ ] وللاسف انا لوحدي في الشقة لأن عائلتي في بلد تانيه بعيده عن بلد الجامعة
[ ] الموضوع دا في الاول مكنش شاغل بالي وانا اصلا بحب الوحده ولكن بعد الي حصل كان لازم حد يكون معايا
[ ] كلمت اقرب صديقة ليا أنها تيجي تعيش معايا
[ ] وافقت علي أنها تيجي عندي وقولت اني ها استناها الصبح تنورني في بيتي وقفلت معاها
[ ] مردتش احكيلها عن اي حاجا حصلت معايا عشان متخفش وترفض تيجي وقولت أنها اكيد لما تيجي ها تعزرني
[ ] قفلت معاها وانا الخوف متمالكني ومش قادره اني انام نهائيا
[ ] قمت من مكاني وروحت بخطوات خفيفه وبدون صوت ابص علي الحمام وانا في قمه الرعب
[ ] وفجأه لقيت شخص قصاد عيني جسمه كان كله اسود وعيونه كلها حمراء وفي ايده حوافر حيوانات وبيبص ليا ويضحك
[ ] صرخت بأعلى صوت ليا ووقعت على الأرض من شده الخوف والمنظر وكنت عاوزه أهرب منه واروح لاوضتي
[ ] انا مش ها ااذيكي انا هنا عشان اكون جمبك ومعاكي متخافيش انا حبيتك
[ ] انا قلبي حسيت أنه ها يوقف من الصدمة بيقولي حبيتك حبني ازاي دا وهوا جن ولا بشر ولا ايه بالظبط أنا مش فاهمه
[ ] قولتله انتا مين وبتتكلم كدا ليه انتا ايه بالظبط
[ ] لقيته بيقول انا هنا بسكن الحمامات وبراقب الأشخاص والأنسان الي قلبه ضعيف وبيبكي او يصرخ في الحمام بأتلبس جسمه او ابقى جنبه لحد ما أتمكن منه ومن كل حياته
[ ] قالي وانا طلعت ليكي لانك بتبكي كتير في الحمام وكمان بتقفي كتير قصاد المرايا ودا بيخليني أظهر اكتر واسرع
[ ] غير انك كنتي بعد الاستحمام بتقفي قصاد المرايا كتير أوي وتتغزلي في نفسك ودا الي خلاني اتفتنت بيكي وحبيتك وعشقتك ومش ها اسيبك
[ ] ولقيته قرب عليا وظهرت منه ملامح الرعب فصرخت وقرأت شويه قران في سري لحد ما لقيته اختفى فجأة
[ ] بس انا كنت متأكدة أنه لسا موجود وان القصة كدا بدأت منتهتش
…يتابع
الجزء الثاني من قصتي ( تحذير )
] بس انا كنت متأكدة أنه لسا موجود وان القصة كدا بدأت منتهتش
[ ] حسيت أن دماغي تقيله اوي وعاوزه انام فا روحت اوضتي ورميت جسمي علي السرير ونمت
[ ] اول ما نمت حلمت بأني شايفه ضباب وسواد معتم حواليا غير اني سامعة خطاوي رجلين ماشية جمبي وصوت حجات بتقع على الأرض وتنكسر
[ ] الوضع كان صعب لان عمري ما حلمت بحلم شبه دا نهائي
[ ] وفضلت علي الموضوع دا لحد الصبح واول ما صحيت جهزت نفسي عشان صحبتي جايه ورتبت الاوضه كويس جدا عشان ها تبقي معايا فيها
{. } وفجاه الباب خبط وروحت فتحت كانت هيا ورحبت بيها وقولت أنها ها تنورني في اوضتي وتكون معايا فيها لاني مش حابه أنام لوحدي
[ ] ووافقت ودخلت معايا للاوضة ولقيت الاوضه متبهدله ومفيش حاجا سليمة وكل حاجا مرميه علي الارض
[ ] بصت عليا وقالت هيا الاوضه متبهدله كدا ليه
[ ] قولتلها معرفش انا اول ما صحيت رتبتها عشانك ولما خبطتي روحت فتحت ليكي ومعرفش ايه الي حصل
[ ] لقيتها بتبص ليا وعيونها كلها خوف وبتقولي
{. } طيب لو مش انتي الي بهدلتيها امال مين الي عمل كدا
[ ] هوا البيت دا مسكون بالجن والعفاريت ولا ايه بالظبط
[ ] مقدرتش اجاوب علي سؤالها
[ ] قالتلي ها نعمل ايه النهارده
[ ] قولتلها ها اروح اجهز الفطار الاول وبعد كدا ها ننضف الشقة وها نبدا بالحمام الأول وبعد ما نخلص ها نذاكر شويه
[ ] قالت خلاص نبدا بالحمام تعالي نروح
[ ] هيا اول ما اتكلمت علي الحمام انا حسيت بقشعره ورعب في قلبي
{. } قولتلها لاء بلاش الحمام اول حاجا وتعالي نشوف حاجا غيره
[ ] قالت انتي قولتي نبدأ بالحمام وها نبدا بالحمام
[ ] ودخلت صديقتي الحمام وانا دخلت رواها وكنت خايفه وعماله ابص في جميع اركان الحمام وخايفه من ان الجن يظهر
[ ] قولت لصحبتي ها اخرج اجيب باقي المنظفات ورجعالك علي طول
{ } واول ما خرجت بعد ثواني لقيتها خرجت ورايا وقعدت تصرح وتمسك فيا جامد وتبكي
[ ] قولتلها في ايه مالك وبتصرخي وتبكي ليه
[ ] قالت شوفت واحد منظره مخيف جدا جدا
[ ] قولتلها شوفتي ايه اوصفيه
[ ] قالت شوفت شخص طويل وضخم وجسمه باكمله اسود وعينه حمراء كا الدم ومخالبه كبيره جدا
[ ] البيت دا مسكون صح وانتي قولتيلي انك نضفتي الاوضه ورجعتي لقتيها متبهدله اكيد الجن الي بهدلها
] قولتلها انتي ممكن تكوني بتتخيلي بس مش اكتر لكن مفيش حاجا من الي بتقوليها
[ ] قالت خلاص لو انا بيتهيألي نجيب شيخ وهوا يحكم هل بتخيل ولا حقيقه
[ ] قولتلها انا معرفش شيوخ خالص
[ ] قالتلي انا اعرف وها اتصل بيه ييجي يشوف البيت دا فيه حاجا ولا لا
[ ] قولتلها اعملي كل الي نفسك فيه وها نشوف النتيجة
[ ] وسيبتها ومشيت وروحت لاوضه انضفها وارتبها
{. } وبعد فتره حسيت اني عاوزه اروح الحمام بس كنت خايفه من الجن ولكن كنت تعبانه ولازم اروح الحمام
[ ] دخلت الحمام ولكن حسيت اني عاوزه ابص في المرايا
{. } واول ما بصيت لقيت الجن قصادي وبيضحك ضحكته المرعبة
[ ] اول ما شوفت المنظر فضلت اصرخ بصوت عالي وحاطه ايدي علي عيني ولقيت صحبتي جت عندي وسحبتني برا الحمام وفضلت تهديني
{. } وشرحت ليها كل حاجا بالتفصيل من اول ما دخلت الحمام لحد ما ظهر الجن ليا
[ ] وخلصت كلامي وهيا اتصلت بالشيخ وشرحت ليه كل حاجه بالتفصيل
[ ] وقال الشيخ الجن دا جن عاشق عشق ضعفها وجسمها ومش ها يسببها الا بالموت او بالخروج الصعب من جسمها
[ ] وقالتله ايه العلاج الي ممكن تعمله عشان يخرج
[ ] قال لها العلاج للموضوع دا هوا اني اجي ليكم وأقرأ عليها ما تيسر من القرآن وارقيها ثم أخرجه من جسمها من هو
[ ] ولكن تجنبي المناطق الي بتتواجد فيها حتى اجي ليكم
[ ] قالتله طيب انتا ها تكون موجود امتي
[ ] قالها بعد العشاء ها اكون عندكم ومعي العلاج ان شاء الله
[ ] قالت له صديقتي ان شاء الله في انتظارك وقفلت الفون
[ ] وفضلت ورايا لحد ما اعصابي هديت
[ ] وبعد ساعات اتصل الشيخ وقال بأنه يعتزر على عدم الحضور لانه أصابه مرض وأنها يكون عندنا تاني يوم
[ ] انا صدمت لما سمعت انا كنت عاوزه اخرج من الي انا فيه دا بسرعه
…يتابع
الجزء الثالث والاخير من قصتي ( تحذير )
] انا صدمت لما سمعت انا كنت عاوزه اخرج من الي انا فيه دا بسرعه
[ ] صحبتي قفلت الفون وقالت أنا مش ها اسيبك وها اكون جمبك
[ ] وفضلت جمبي لحد ما سمعت صحبتي بعد ساعتين من تواجدنا صوت حد يناديها
[ ] فقالت هوا في حد معانا تاني
[ ] قولتلها لا مفيش حد انا وانتي بس
[ ] قالت ازاي انا سمعت حد بيناديني بالقرب من الحمام
[ ] وكمان انا سامعه أنفاسه بترتفع وكأنه جمبي زيك بالظبط
[ ] قولتلها مفيش حد في البيت ممكن تكون هلاوس تاني ولا الجن بيلاعبنا يالا ننام وبكره بأذن الله نخلص من اللعنة دي
[ ] وروحنا الاوضه ونمنا واحنا جمب بعض عشان نكون مطمنين
[ ] وعند الساعه ١٢ بليل سمعت صوت حد بيهمس في ودني
[ ] وانفاسه حاسسها علي جسمي
[ ] فا حاولت اني افتح عيني ولكن بصعوبة جدا لما فتحت جزء منها
[ ] ولما فتحت لقيت الجن جمبي علي شكل صديقتي
[ ] كان باصص ليا وفجاه همس في ودني وقال متخافيش مني انا عمري ما ااذيكي
[ ] انا صرخت وقعدت ابكي من الي بيحصل فيا دا
[ ] وفجأه وقعت صحبتي على الأرض ورجع شكلها زي الاول وحاولت افوقها معرفتش
[ ] فضلت ساعة احاول معاها لحد ما الحمدلله فاقت
[ ] لقيتها بصالي وبتقولي في ايه وحصل ايه وانا ليه علي الارض
[ ] قولتلها انتي محستيش بأي حاجا من الي حصلت
[ ] قالت انا محستش بحاجا اصلا ولا كنت داريه بحاجا
[ ] قولتلها انا شوفتك جمبي وفجاه وشك تحول الي وش الجن واتكلم معايا وبيقول اني مخفش منه
[ ] قالت انا محستش بأي حاجا نهائيا انا بس كنت نايمة وحسيت اني في مكان ضالمه وفجاه شوفت حاجا طلعت قصادي وفجاه دخلت في جسمي ومحستش بحاجا بعدها
[ ] قولتلها كدا الجن استغل جسمك عشان يوصل ليا الموضوع كدا بيزيد صعوبه ولازم نشوف حل بسرعة
[ ] قالت اليوم دا يعدي وبكره بأذن الله الشيخ ها يحل كل حاجا
[ ] وقالت أنا ها اروح المطبخ اعمل اي حاجا ناكلها ونقعد مع بعض للصبح لحد ما الشيخ يوصل
[ ] راحت للمطبخ وبعد وقت بسيط سمعت صوت دوشة عاليه جدا في المطبخ
[ ] اول ما سمعت الصوت دا خوفت جدا علي صحبتي وقولت لازم اروح المطبخ اشوف في ايه
[ ] وروحت المطبخ واول ما وصلت شوزفت صحبتي اترعبت
{. } لقيت عيونها لونها احمر وبتسيل دم
[ ] ولكن لقيت دراعها بينزل دم ولقيته مصاب بجروح خطيره وكبيره
{. } ولقيت السكينه الي كانت معاها كان عليها دم فا أكيد قطعت من جسمها واكلته
[ ] قولتلها يا صحبتي مالك في ايه وايه الي في ايدك دا وعيونك عامله ليه كدا
[ ] لقيتها قعدت تضحك ضحك هستيري
{. } وفجاه صوتها اتغير لصوت ضخم ومزعج جدا
[ ] مره واحده لقيت حد بيتكلم وبيقول انا قولت ليكي مش ها اعملك حاجا لاني بحبك ليه رفضتي وجودي
[ ] بتطلبي شيخ يطلعني من حياتك دا مستحيل يحصل لانك حبيبتي وانا مش ها اسيبك
[ ] قولتله اخرج من جسم صحبتي وارجع مكان ما كنت
{. } لقيته بيقول لاء مش خارج وها اقتلك بالسكينة الي اذيت صحبتك بيها عشان تكون قتلتك بأيدها
[ ] انا اول ما قال كدا.انا بعدت عنه
{. } ولكن تفاجأت أن صحبتي جايه عليا بالسكينة ومش حاسه بنفسها
[ ] هربت علي الاوضه بسرعة وقفلت الباب ورايا وقعدت علي السرير وحاولت اتصل علي الشيخ ولكن بدون فايده لانه كان مغلق
[ ] وفجأه الباب اتفتح بسبب ضربات صحبتي عليه القويه بسبب الجن
[ ] ولقيتها جايه عليا ومعاها السكينة وواقفه قصادي مباشرة
[ ] ورفعت صحبتي السكينه على رقبتها وقربتها اكتر عليها وانا بكيت بشده وقولت للجن متأذيش صحبتي
[ ] ولكن مكنش بيسمع كلامي وماتت صاحبتي قصادي عيني
[ ] صرخت بأعلى صوت لي وبدأت في البكاء بهستيري
[ ] وبعد ما شوفتها مرميه علي الارض ميته
[ ] لقيته قصادي عمال بضحك ويقول قولت ليكي كوني عشيقتي ولكن موافقتيش استحملي بقي
[ ] لان اي شخص بيحبك هااقتله بابشع طرق القتل
[ ] وفجأه التليفون رن روحت ابص علي التليفون لقيت الجن اختفى
[ ] مسكت التليفون ورديت طلع الشيخ الي كانت صحبتي مكلماه
[ ] قالي حصل ايه انا لقيتك متصله في وقت متاخر جدا
[ ] قولتله يا شيخ صحبتي ماتت قصاد عيني والجن دلوقتي عاوز يقتلني انجدني ياشيخ وخرجني من هنا
[ ] قالي انا جاي ليكي حالا
[ ] وفي دقائق معدوده لقيته بيخبط على الباب ولكن مقدرتش اخرج من مكاني بسبب الرعب الي انا فيه
[ ] ولكن فجاه الباب انكسر والشيخ ومجموعة من شباب دخلو عليا
[ ] وقالي انا ها اخرج الجن دا دلوقتي من جسدك ومن البيت كله
[ ] لقيت الشباب اخدو جثة صحبتي وخرجو بيها برا البيت
[ ] بس فجاه فوقت وحسيت أن جسمي بيترفع لفوق ولكن مش حاسه بأي حاجا تانيه
[ ] محستش بنفسي غير تاني يوم الصبح في مكان غير المكان الي كنت عايشه فيه وكان جمبي الشيخ وجميع أفراد عائلتي
[ ] قولتله ايه الي حصل وانا وصلت هنا ازاي واهي موجودين ازاي
[ ] قالي انا خرجت الجن من جسمك لكن مكنش ينفع تكوني في البيت دا تاني
[ ] وبالنسبة لصحبتك فا هيا ماتت واندفنت وكان كل دا بسبب شخصيتك الضعيفة وهروبك من مواجهه مشاكلك
[ ] قولتله بسببي انا ازاي انا عملت ايه لكل دا
[ ] قالي انا ها اشرح ليكي من اول ما ظهر الجن وحتي بعد اختفاءه
[ ] شياطين الجن المعظم الكبير جدا بيعيش في الحمامات
[ ] منهم الدساس ومنهم الوسواس ومنهم العاشق للاجساد
[ ] وانتي وقعتي مع عاشق للاجساد
[ ] فهوا جن يعشق الفتاه الضعيفه الي بتصرخ في الحمام او تبكي او كتير أو بتحب تشوف جسدها كتير وباستمرار
[ ] فهوا برضو بيشوف جسمها وبيزداد عشق وافتنان واغواء فيها
[ ] ولو بكيتي في الحمام او صرختي ها تحسي أن جسمك دافي كأن حد حضنك
[ ] وان الذي يحتضنك يكون الجن العاشق وياذيكي لو مكنتيش تحت طوعه زي ما عمل في صحبتك
[ ] قولت له وايه العلاج للحاجا دي يا شيخ
[ ] قال اول متبكيش في الحمام ولا تصرخي فيه ولا تتكلمي ولا تشكي حالك في الحمام ولا تظهري ضعفك وضعف نفسك في الحمام لانه بيحبو كدا
[ ] وبرضو اياكي الغناء او اصدار الاصوات داخل الحمام لانه يقرب الشيطان منك
[ ] لو فعلتي الي انا قولتلك عليه دا والله لن يصيبك شئ
{. } ولو علي انك محتاجه تبكي فا ابكي علي سجاده الصلاه وادعي ربنا يخفف عنك الهم واصرخي براحتك بس قصاد ربنا ونتي علي سجادته هوا اقرب ليكي من اي حد
[ ] ودلوقتي فوقي لنفسك ولمستقبلك واحمدي ربنا انك ما ذلتي على قيد الحياه ولم يصيبك ازا زي الي صاب صحبتك
[ ] انا خلصت الي كنت جاي عشانه وها اتسأذن وقبل ما يتحرك قالي انا ها اجيلك تاني قريب عشان ترقيكي وسابني ومشي
[ ] ومشي في وقتها وبعد فتره رجع وارقاني ومشي ومرجعش تاني وأنا مرجعتش للبيت تااني واتجهت للعيش مع اسرتي
[ ] وخلصت دراستي ولكن في المنزل ودلوقتي انا دكتوره والحمدلله عايشه حياه سعيده
ودي كانت قصتي مع الجن العاشق وصحبتي
تمت
